***
Ўжо змяркаецца. Сінее
Срэбра лютага – сняжок,
Што над ціхім лесам рэе,
Як над гнёздамі – пушок.
І здаецца неба сінім,
І здаецца сінім сад,
Быццам музыка Расіні –
Італьянскі вінаград.
І, праз сінь паветра, хаты,
І квадрацікі двароў,
Нібы сінія салдаты
Ранніх зімніх вечароў.
Засцілае сінь густая
Сінь глыбокую вачэй,
Нібы футра гарнастая
Засцілае сінь начэй.
12. 02. 2019 г.
Ужо змяркаецца. Сiнее...
© Copyright: Юрий Боровицкий, 2019
Свидетельство о публикации №119021208496
Свидетельство о публикации №119021208496
Рецензии