Агана Аллагьнал, ттун нясив бувну
Гъурватрай бивч!арча, явара дустал
Аманат буллайра, на зухь миннартрай
Ласира на буччин, буттал аьрщарайн
Лакку билаятрах, мякь къаливххусса
Паракьат дувара, миналий ттул рух!
Буккияра Аьлх!ам заннайн леххаврий
Ттул бунагьрал ялтту уч!у увкуну
Ттул рух!рал хъиривсса к!юлаччат!уя
Бисмиллагьгу куну зумув бишара
Бакъухърал нац!усса къясгу дуркуну
Нагу дак!нийн бувтун, дувара дуаь
Багъишла битира, дак!нийн щухьурча
На бувсса хъярчлива, бюкъавхъу хавар
Ттул ялтту буч!ира, агар к!улбакъа
Зумату дюхъ дакъа, махъ ливчухьурча
Миннатри ялагу, аьзизсса дустал
Дуаьлувух зула, бишара нагу
Арулссавнийн багьайх, буруглай зухгу,
Личинна Зул ялун, барачатрал хъа
Фатима Лакия
Завещание друзьям
© Copyright: Фатима Абдуллаева, 2019
Свидетельство о публикации №119021200118
Свидетельство о публикации №119021200118
Рецензии