Лагьана: «Вуч хъсан, санал ала чун,
Амма зун тахьайтIа вучдатIа вуна?»
Лагьана: «Им вуч гаф, им гьихьтин рахун,
Вавай физ жедани зун текдиз туна?»
Лагьана: « Фагьума, мад амач зун вахъ-
Жаваб це, жаваб це, вуч жеда вавай?»
Лагьана: «Къведа зун вун галай патахъ,
Винел атайтIани цIайлапан цавай!»
Лагьана: «Вун гьиниз фидатIа яраб,
АмачтIа зун гила и дуьняда таб?»
Лагьана: « Вучиз на гузва заз азаб,
Зун женни вун квачиз –чизвачни жаваб?!»
Лагьана: «Жеда зун, жеда ви къвалав,
Ваз кани и тандихъ чан галамай кьван!»
Лагьана: « Садрани туьхуьдач ялав,
РикIелай алудмир, руьгьерин лукьман!»
Зун тахьайт1а
© Copyright: Билал Адилов, 2019
Свидетельство о публикации №119020803773
Свидетельство о публикации №119020803773
Рецензии