Лацу лиф хьиз цавара,
Къекъвезва вахъ дат1ана.
Гьар са царц1ин гафара,
Кхьизва рик1 ат1ана.
Ахквазмач ви вилериз,
Зи чандавай дердияр.
Кхьизва за эвериз,
Вахъ ц1игел яз, к1ани яр.
Жезмач завай экъвез гьак1,
Дамардин хад гак1ана.
Хъуьрезвай чин, акур накь,
Деринрик ква ак1ана.
Серин хьанва гьава хьиз,
Дарих хьанва рик1ин пай.
Вун таквар кьван рик1 шехьиз,
Зи чанда гьик1 гьатна къай.
Эхирдалди чарарни,
Жезмай кьван за кхьида.
Лацу хьанва ч1арарни,
Рик1 пад жезва- рекьида…
Къекъвезва вахъ
© Copyright: Назиль Махмуд 76, 2019
Свидетельство о публикации №119020707548
Свидетельство о публикации №119020707548
Рецензии