Нохчийн 1адат лардинчу
Доьзалехь хьо кхиъна йу.
Дикчу вешин йиша йу,
Дог дикаллех дуьзна ду.
Мара къовлуш, хьаьстина,
Синан кхача кховдийна.
Берийн синтем ахь ларбо,
Массо берийн дола до.
Зевне дека берийн аз,
Дегнаш т1ома ийъало.
1амош хила бертахь тхо,
Даим ахь тхан дола до.
Дег1ан г1ора эшийна
Г1ийла болчийн дегнашна
Нанас санна дог эцна,
Хийла совг1ат ахь дина.
Дог ц1ена комаьршалла
Хьуна Кхоьллинчо йелла.
Ца кхоош хьайн могшалла
Берийн уьйраш ч1аг1йина.
Массо ненан дика йо;
Ийман долуш кхуьийла.
Йуьхьк1ай х1оттош Кхоьллинчо,
Дахар ирсе дойла хьан.
Азман Джабраилова.
Берашца болх бечарна
© Copyright: Аза Атагинская, 2019
Свидетельство о публикации №119020510484
Свидетельство о публикации №119020510484
Рецензии
Де дик дойла ха, Азман! Прочла, поняла совсем немногое. Но и этому рада. До встречи, вечером зайду. Адика йойло!
Раиса Ворфоломеева 06.02.2019 08:26 • Заявить о нарушении
Раиса Ворфоломеева 06.02.2019 08:26 • Заявить о нарушении