Онегинга, Татьяна каьхат мустафа ганижев

ОНЕГИНГА, ТАЬЯНА КАЬХАТ
(письмо Татьяны Онегину)

Аз шуга* яьзду – фуд кхы ч1оаг1а?   (шоага, по грамматике Иссы)
Кхы а фу мог сона ала?
Х1анз, сона хов, шун ло1амаг1а
Сох догкхоардадаь 1азап дала.
Шо-м са дайнача иразаг1а
Цхьа т1адам къахетар а хинна,
Оаш ютаргъяц-кха со аранна.
Хьалха аз ца яьзде лаьрх1адар;
Хьо тешалахь: са долча эхьах
Шоана ховргдацар ц1аккъа маьхах
Маца а сатешар са хургъдар
Нагахьа мукъа,к1ира цкъа
Тха айлахь гуш хьо вола-кха,
Хьа къамаьл хазар духьа маара,
Оаша дош алар хулаш т1ехь а
Уйла е, уйла е цхьаннех а
Ден а, бийсан а юхагора
Кхы а, дувц шо, нах безаш вац,
Юстарча, айлахь шоана сагота,
Тхо а цхьаннех хьалдайнарех дац,
Шоана-м раьза да дегахьа атта.

Х1ана даьхкадар шо тхацига?
Юстар, наха йитача юрта
В1алла хьо ца вовз сона мега,
Йовзаргъяцар къаьхьа халпата.
Дега ца го сахьодар гойта
Ханаца д1атовж /мишта хайна?/,
Дега мега, новкъост лохаргвар,
Хургъяр-кха тешаме маара тар
Дика г1улакхашца хул нана.

Кхывар! … Вац, цхьанена дунен т1а
Д1алургдацар-кха аз сай дог!
Лакхерчун кхела хургъдар атта…
Лакхерча кхела: хьа яр со;
Из са яхар дар карадилар
Тешаме хьоца б1аргагора;
Сона хов, Дала хьо вайта хилар,
Ялалца хьайн 1а со лоръяра…
Хьо вар г1аьнахьа сона воаг1аш,
Ца гуш вар, хьо хул сона везаш,
Хьа товш б1архьажаро хало еш,
Дегахьа хьа оаз сона екаш
Гаьна… дац, из дацар г1аьнахьа!
Хьо хьачу-м ваьнвацар, сона ховш,
Уйланца хеталуш: ер ва из!
Бакъдеце из? Сона хьо хазав:
1а дийцар соца сатийнача,
Аз къечарна новкъостал дуча
Е ламазаца дега тоамбеш
Саготонах дог тохалуча?
Х1аьта цу аьггача хантилга* (момент)
Хьо веце безама гуш б1арга,
Чакхсадоаг1а бодонах го хул,
Шотта кертенгахьа чуйоалаш?
Хьо веце, дегг1оз, безам болаш,
Са теша деша, сона лергевувл?
Малув хьо, са малайк е лоръер
Е маькарал чам т1абохийтар:
Са шеконаш а 1а д1аяхар.
Хала мег ер деррига даьсса,
Сина 1ехалур дий ца довзар!
Дег1ар хил мег сона кхыбесса…
Халийта иштта! Сонна дег1ар
Х1анз ден, аз хьона мА яр д1алу,
Хьона хьалхишка елхаш гойтар,
Хьогар г1о дехаш, аз дехар ду…
Сурт оттадел 1а: со укхаз ца1 я,
Цхьанна а со кхетпяц, цхьанне
Са кхетамте* геттар г1елъянний, (рассудок)
Баге а къайла со лелаш яр я.
Со хьеж хьога: цхьан б1архьажарца
Сатассар дегахьа дийнадаь
Е хала г1аьнахьдар хоададаь,

Айяхь, хулбоаг1а т1ехьтохамца!
Яьздаь йоал! Юха-дувц унзар ма дий…
Эхьа, кхерама со соцалу…
Сона доал отар хулар шун сий,
Майрра а цунах со тешалу...
( Перевод Мустафы Ганижева, из
переведенного романа Евгений Онегин)