(Осканнаькъана Суламбик, гlалгlай инарал, Россе хьалхара турпал дагалаьца)
***
Тха Даймехка лоамий лаьча,
Гlалгlайчена визза воl, -
Вlалла дукха дац хьох аьлча
Дика мелдар, айдеш дог.
Атта хиннадац вай вахар,
Халонашца лийзаб ког,
Хlета а, дезалаш вай бахар
Хиннад лерхlам беш, мамогга.
Къонгаш кхебу къамаш даха,
Къамий кхоане lалашъе,
Цlенош дотта, лаьтта аха -
Тlехьаленна толам бе.
Бакъда, лархlац цхьаккха маьха
Халкъо, яхье доацаш дар,
Юхадетташ хьашташ наьха,
Шийна толам лохаш вар.
Маьхе да, ший Даймохк бахьан
Къонах хинна дlаоттар,
Дезе, дулаш дегl ший "лахьан",
Даьхена ше дlавалар.
Хьагойтад lа цуна дозал -
Къонах хилар мишта да,
Котта даьккха дега денал...
Из - тlехьенна масал да.
Суламбик, хьа цlера сийле
Тха дегашка яхаргья,
Цецдувлийташ доккха Дуне,
Оаха лакха лоатторгья!
30.01.19.
Осканнаькъана Суламбиках дола дош
© Copyright: Аслан Куазо Ингушетия, 2019
Свидетельство о публикации №119013005384
Свидетельство о публикации №119013005384
Рецензии