Цена жизни

             Чэрвень 41-га  страшэнны,
             Назаўжды ў сэрцах захаваны!
             Калі бот фашысцкі як гіена
             Заступіў у родныя Ашмяны!

             Горад мой- і велічны, і чысты,
             З светлым ранкам і птушынай зграяй!
             А па ім пачварныя фашысты,
             Здрадніцкія боты паліцаяў!

             Тут фашыст гаспадаром трымаўся,
             Будаваў завоблачныя планы!
             І на Мінск- сталіцу прарываўся,
             Ды магілай сталі ім Ашмяны!

             Лётчыкі Страленка і Аўдзееў,
             Шлях на Мінск жыццём абаранілі!
             У калону жудасных зладзеяў
             Самалётам урэзалі- спынілі!

             Апісаць ваенную пагрозу,
             Не абавязкова быць паэтам!
             А цяпер прашу- стрымайце слёзы,
             Успомнім разам аб яўрэйскім ГЕТА!

             Тысячы замучаных яўрэяў
             У магілах брацкіх пахаваны!
             Пахаваны шчасце і надзеі,
             Памятаюць кожнага ў Ашмянах!

             Колькі землякоў вайна забрала!
             Памяць іх тут на зямлі трымае!
             Ты, вайна, нам вечным крыжам стала!
             Мы цябе за гэта праклінаем!

             Помніць усім пра гэта гора трэба,
             Усім жывучым у Беларусі людзям!
             Каб калоссе залатога хлеба
             Абвяшчала- больш  вайны не будзе!

             Хай заўжды лунае тут каханне,
             Ну а зброяй стануць серп і молат!
             Шчыра свеціць сонейка на ранні,
             І заўжды шчаслівай будзе моладзь!