БАБАН АФРАР
Гергми кьулихъ деъну,
галар аркIури,
УкIан афрар
илирчуру ич бабу.
Галар гъяцIри
дуркну айи укIари,
Дурар чIилли апIуру
шубуб тIубу;
Хъасин зиълан
Йибчну зах`ан кьилан шид,
Гал илипну,
Дюз апIуру жигъригъи.
Убжурай африк
Пичран гъапгъарин шил
КубчIври шулу,
Шикил гъивганси ригъин.
Йиз вазифа ву,
Ирчри ленгерийиъ,
Афрариин
ГъебцIу кIаму улукуб.
Улихь дивуз
Гьязур гъахьи берейиъ,
Хизанариз,
Афрарихъна гъачай, пуб.
Узуна бабу –
Ич кьюрид дустари
Саб улдруку
Афар гъибтруча бабаз.
УкIан тIяаьм
Ччимди гъабхуз гучIури,
Шту гъюдли апIуру
бабу афар чаз.
Аьхю хизан
сабси деъну суфрайихъ,
Ушв гьибтруган,
Шадди апIури гафар,
Фукьан хуш ву
Деуб вардин арайиъ!
Фукьан ицциб
Даринхъа бабан афар!
Бабан афрар
© Copyright: Эльмира Ашурбекова, 2019
Свидетельство о публикации №119012105579
Свидетельство о публикации №119012105579
Рецензии