***
З захаду хмаркі плывуць і плывуць,
Месяц з усходу – усходзіць.
Тут беларускія людзі жывуць,
Бог па зямлі іх тут водзіць.
Неба чарнее, і вечар брыдзе.
Недзе забрэша сабака.
Месяц над дахамі ціха ідзе –
Поўны, цяжкі, небарака.
Ў хаце далёкай засвецяць агонь.
Маці збірае вячэру.
Фыркне на месяц гарэзлівы конь,
Нібы раскольнік – на веру.
Месяц з усходу, як срэбраны шар,
Моўчкі завісне над хатай.
Я на зямлі на сваёй гаспадар,
Хоць беларус небагаты.
Тут беларускія людзі жывуць.
Бог па зямлі іх тут водзіць.
З захаду хмаркі плывуць і плывуць,
Месячык гасяць на ўсходзе.
18. 01. 2019 г.
З захаду хмаркi плывуць i плывуць...
© Copyright: Юрий Боровицкий, 2019
Свидетельство о публикации №119011807667
Свидетельство о публикации №119011807667
Рецензии