ЛУГЬУДА :
Уьткем тир руьгьдиз
Авайди я ттаб.
Гевил, леббелеб,
Я ац1анвай къаб.
Рик1ин эгьли я,
Кьат1узвайда гьал.
Абурдиз сейли я,
Гьамга михьивал.
Вилин нур-экв я
Акур гьакъикъат.
Шегьре хьтин рехъ я,-
Гузвай насигьат.
Гъейрет т1алабдиз,
Туш бат1ул-нагьахъ.
Адалат, герек яз,
Вири крарин гьахъ.
Четиндаз кьериз
Жагъида жаваб.
Терезд хелериз
Фидай туш азаб.
Напак гаф къилчих,-
Пурунздин гьешам.
Суфатдиз къилих,
Жедай туш масан!
Туькьуьл гаф - яргъалд
Алат тийир хъел.
Уьмуьрдин метлеб -
Тазвай хъсан гел!
***
© Copyright: Фикрет Хидиров, 2019
Свидетельство о публикации №119011410225
Свидетельство о публикации №119011410225
Рецензии