Регьимлу кас цавал алай са нур я,
Мичlеркайни циферкай чун азадиз.
Инсанвални гьар бендедин абур я,
Михьи рикlив, авай чка абадиз.
Дугъри инсан вилел жедач алкlана,
Адахъ бегьем намус ац1ай ник ава,
Пис хьайитlа сифте ракlар гатана,
Акъатда ам гъилел михьи рикl алаз!
Кефиярни негьякьвили хайитlа,
–Хата авач,- лугьуда,- им гъалатl я.
Са кlус вичин такьат виниз фейитlа,
Гъейрибурузни вич багьа савкьат я.
Рикlевайди рикl ачухдан - иман я,
Гьар инсандин дугъридал ам ашукь я.
Регьимдизни регьимдайди - инсан я,
Зигьин авайдаз дугъривал талукь я.
Гьуьрмет ая дугъридиз, квез минет я,
Адан кlвал хьуй рикlин пlипlе, гуьлуьшан!
Дугъри рикlер халкьарин са девлет я.
Руьгь тахьурай чи садрани перишан.
Дугъри рикlер девлет я
© Copyright: Магомед Мирзоев Мирзой, 2019
Свидетельство о публикации №119010407063
Свидетельство о публикации №119010407063
Рецензии