Закай хатур амукьнаваз хьайит/а нагагь
Зун къведа гъил къачу лугьуз , анжах вуна лагь!
Атана за гатайт/а а ви мягькем варар
Акъайдани заз вуна рак , шад хьана гьалар!
Я тахьайт/а къалурдачни на заз а ви чин
Гъил къачуз алакь тийидай , кьунвай маргъузар
Хъсан чида, таниш я заз а къилихни вин
Пис гафарив гатаз твадай , ийиз агъузар!
Хуш гафар рик/е авай , ви татайт/а мецел
За гьиссда а кар, вуна зун турт/ани къецел
Тахсирдилай гъил къачу зи! хьана хьайивал
Зун зайиф я, гъалиб хьана заз вун к/енивал!
Къалура заз хъсан къилих жуван къенивал
Куьмек це мад ч/ехи хъийиз заз вун к/енивал.
Хабар хьухь ваз зун варарихъ галай арада
Экуь тавурай мич/и вахт , заз са чарада.
К енивал
© Copyright: Гулья Мисриханова, 2018
Свидетельство о публикации №118122601179
Свидетельство о публикации №118122601179
Рецензии