Гьикьван крар алакьда и назик гъилерлай.
Къати т/аларни алудда рик/ин хирерлай.
Дарман жезва гьар са кардиз дишегьли ви гъил,
Гьавиляй, кьаз, икрамзава агъуз ийиз кьил!
Явшанар туш инсан ч/ехи жез чипелай -чеб
Галат тийиз назик гъилери эч/ягънай кьеб
Векъи ванцел кас рахана вине кьурла кьил
Сабур гуда, хкажайла дишегьлиди гъил.
Вири, чипин хиве туна хкажна хилер
Хзан хъсан къайдада тваз алакьай гъилер
Уьмуьрдин юлдашдизни , гьак/ ийиз к/анз куьмек
Назик гъилер жеда кардик, хьайит/а герек.
Руш, свас ва гьак/ дидени я хва ч/ехи авур
Гьич са эркекни тамукьрай , а гъилер такур.
Галат тавур дишегьлийрин а назик гъилер
Сагъ хьайила чи эркекрин сивел жеда хъвер.
Хьайиди я заманаяр вахт фенвач яргъал.
А гъилери к/евиз кьурд тир кут/ани мукал.
Назик гъилер гьерекат квай дишегьлийрин чи ,
Гила марвардин к/унч/арив ац/ура ч/ехи!
Дишегьлидин назик гъилер
© Copyright: Гулья Мисриханова, 2018
Свидетельство о публикации №118122601139
Свидетельство о публикации №118122601139
Рецензии