ВАЛАР ДОЛЧА 1 Мустафа Ганижев
Хьа букът1ехьишка вахар д1адов сов
Корагар х1амаех кор къовлаш хьа
Дунено хьо д1акхоларгва бийсо мо
Урам т1а къу лоацаш са д1адахьа.
Из урам ба хьа тамашне дунена
Меттаз, гоама, харцонца сел волаш
Сира бутт кхоач хьона, 1оргаш даьнна
Сигал никъ билла ийчеча хулаш.
Бухбоацача мо дарз делхаш таь1а
Тешамза дог1о белаж т1оадаеш
В1алла кхоачалац ц1иймела ма1а
Ханнар, дайнар харцонца маьршадеш.
Кхоссалуш хантилг, харц дарз даим делх
Кхослуш хьо, из деррига дар гонахь
Хьувш лийннар, даннар уллаш гора алх
Цох хьежа хьо моастаг1ал мишт хул лехь.
Гучйоал карара, къайлаг1а к1ийле
Хьо ванна кхачар, наха цига гуш
Корага даьри х1ам хул хьа къайле
Валаро хьо хул, б1арчча д1акхоалаш.
Кхы ца1, хьа дагавоха теш хургва
Хьо валарца, бийсо мо д1акхоллаш
Цига цу урам т1а, къу лаьцар ва
Сенах тийша вахар хьо 1авелхаш.
12. 11. 2018 ш.
Валар долча 1 мустафа ганижев
© Copyright: Мустафа Ганижев, 2018
Свидетельство о публикации №118122006911
Свидетельство о публикации №118122006911
Рецензии