***
Беларусь – матуля,
Украіна – цётка,
Дзе куе зязюля,
Дзяцел б’е чачотку.
Дзе спяваюць вербы
Нізка над вадою,
Дзе складаюць вершы
Пра мяне з табою.
Дзе каліны вецце
Хіліцца дадолу,
Дзе гуляе вецер
Ў полі без дазволу.
Дзе шумяць бярозы
Над магілай таты,
Дзе трашчаць марозы
І сумуюць хаты.
Рай мой безназоўны,
Нібы рукі мамы,
Дзе ўзыходзіць поўня
Для мяне таксама.
Дзе ручнік крыжамі
Вышывае грэчка,
Цёмнымі лясамі
Прабягае рэчка.
Дзе куе зязюля
Ў лесе напрадвесні,
Беларусь – матуля,
Украіна – песня.
17 снежня 2018 г.
Беларусь матуля...
© Copyright: Юрий Боровицкий, 2018
Свидетельство о публикации №118121704707
Свидетельство о публикации №118121704707
Рецензии