***
Там, дзе на ўзгорачку сходзяцца
Клінам малыя ляскі,
З неба глядзіць Багародзіца,
Лашчыць лясоў каласкі.
Лашчыць іх позіркам матчыным,
Грэе іх боскай душой,
Нібы адорвае спадчынай
Край перакрэслены мой;
Край мой, заплямлены ворагам,
Крыж векавечных лясоў,
Што падымаецца воранам
Чорным – над лёсам бацькоў.
З неба глядзіць Багародзіца…
Вечна мой Край будзе жыць
Там, дзе на ўзгорачку сходзіцца
З Богам – душы маёй ніць.
15. 12. 2018 г., Радашковічы
Там, дзе на узгорачку сходзяцца...
© Copyright: Юрий Боровицкий, 2018
Свидетельство о публикации №118121504866
Свидетельство о публикации №118121504866
Рецензии