Зи яр туш вун
Зи яр туш вун, туш зи ашна,
Рахадай гьич авач багьна.
Авачирла ваз к1ани яр,
Вучиз на рик1 ийизва т1ар?
Физва йикъар,жезва йисар,
Зи рик1ева анжах ви т1вар,
Яргъарилай акурла вун,
Акатзава рик1ик зурзун.
Гагь хъверда на,гагьни хъелда,
Зи руьгьда на дерин гелда.
Зи гьиссерик ц1ай кутамир,
Умудралди зун гатамир.
Якъин я,вун авай шегьер,
Ят1а ,белки, якъут, гевгьер.
Бес вун хуьзвай назик зи рик1,
Амукьна пад тахьана гьик1?
Зунни туш са жаван,жегьил,
Кич1е жемир хаз зи гуьгьуьл.
Са к1усни гьич тагана наз,
Гьакъикъат гьик1 ят1а лагь заз.
Хуш я рик1из гадни гатфар,
Амма гатуз къвада хьи хар…
Таб гуз тежер а саврухриз,
Рик1 падда за, ваз къалуриз.
18.06.2016.
© Copyright: Нажмудин Шихнабиев 2, 2018
Свидетельство о публикации №118121407874
Свидетельство о публикации №118121407874
Рецензии
