***
Ціха. Цвыркаюць нейкія птушкі
Пад страхой у суседа. Маўчыць
Зімні сад. Яго снежань загушкаў
І стамлёны між дрэваў ляжыць.
Кін-дза-дза. Толькі трактар праедзе,
У цялегу каб смецце сабраць
Ды у іншай галактыцы недзе,
Нібы бульбу, яго перабраць.
Кін-дза-дза. Ні людзей тут, ні плюкаў,
Нават некаму думкі чытаць.
Толькі хвалі нямых інфрагукаў
Над глухою дарогай ляцяць.
14. 12. 2018 г., Радашковічы
Цiха. Цвыркаюць нейкiя птушкi...
© Copyright: Юрий Боровицкий, 2018
Свидетельство о публикации №118121403986
Свидетельство о публикации №118121403986
Рецензии