Родная зямля
Рудой вавёркай у соснах скача сонца,
Калі здалёк вяртаюся дамоў,
Табе ў любові прызнаюсь бясконца.
За мужнасць звалась ты другой Масквой,
Рэспублікай славутай Рудабельскай,
На працу ты натхняла і на бой
Сыноў сваіх – герояў і ўмельцаў.
Палескі шчодры, запаведны лес,
Азёры, рэчкі, нівы, сенажаці –
Якую сілу, прыгажосць дае
Каштоўнае прыроднае багацце!
А колькі добрых ёсць вакол людзей –
Рук залатых і талентаў яскравых,
Што ад душы ствараюць новы дзень,
Нясуць краіне гонар, моц і славу!
Тут ціха і прывольна, як нідзе,
І так утульна жыць пад небам сінім!
Акцябршчына, квітней і маладзей,
Мая любоў, надзея, берагіня!
Свидетельство о публикации №118120702579