Гьикьван руьгьдиз агъур я,
Дерт хьана рик1из.
Ви ширин чан гьазур я,
Вил ат1уз, рекьиз.
Гьикьван жеда, бес тушни...
Амач захъ аман.
Килиг жуван уьмуьрдиз,
Ва буйдиз кьакьан.
Жедач гила ваз я чан,
Садакай куьмек.
Хквезмач ваз я зи ван,
Ахквазмач ваз "экв".
Минет хьуй ваз, садра кьван,
Килиг цавариз.
Тахьуй ви рик1, ч1улав къван,
Маса рик1 т1ариз.
И дуьньяда гьар са югъ,
Мич1и я ваз лап.
Аллагьдихъ, чан, вун югъугъ,
Ая жуван кап1.
Вилерилай физ накъвар,
Акъатзава ч1ун.
Килигт1ун я сад Аллагь,
Чи дердиниз вун...
Аллагь ваз куьмек
© Copyright: Назиль Махмуд 76, 2018
Свидетельство о публикации №118120505045
Свидетельство о публикации №118120505045
Рецензии