***
Зямля не адтала.
І снег не сышоў:
Яго раскідала,
Як пляміны сноў,
Як белыя пляміны
Сноў-успамінаў –
Па травах, па ямінах
І пад калінай.
Зямля не адтала,
Бо снежань прыйшоў,
Хоць цёпла было,
І на захадзе ружа –
Чырвоная, жоўтая,
Нават з блакітам –
Пялёсткі кідала
Ў зімовыя лужы.
Чырвоная, жоўтая,
Нават з блакітам,
Нібыта каханне,
Што ў вершы забытым,
На захадзе ружа
Мільгала, гарэла…
Зямля не адтала, –
Каханне не грэла.
05. 12. 2018 г.
Зямля не адтала...
© Copyright: Юрий Боровицкий, 2018
Свидетельство о публикации №118120510124
Свидетельство о публикации №118120510124
Рецензии