Душа паэта -- вернасці рубеж.
За ім стаіць руплівая Айчына.
Калі ты з ёй малітваю жывеш --
Узяць рубеж прыступам немагчыма.
Ці не таму паэтаў нішчыць лёс? --
Баяцца іх палітыкі і здрайцы.
Малітвы-вершы мкнуцца да нябёс,
Душы чысцільня -- вынік творчай працы.
А творчасць -- гэта вера і спадзеў:
Каханне, шчырасць і адданасць людзям...
Паэт у сэрца вобразы крадзе,
Паэт рубеж Айчыны словам будзіць.
За той рубеж даўно ідзе вайна:
Нябачная, лакальная, сляпая.
Паверце, не паэта ў тым віна,
Што ён да неба думкаю ўзлятае.
З той вышыні ён чуе кожны крок,
Ён бачыць тых, хто суд прадажны вершыць.
Пакуль паэт жыве, пакуль не змоўк,
Датуль рубеж зямлі вартуюць вершы.
Рубеж вернасцi
© Copyright: Валерий Познякевич, 2018
Свидетельство о публикации №118113000306
Свидетельство о публикации №118113000306
Рецензии
Выдатны верш, строгі, вытрыманы ў пэўнай патрэбнай манеры. Натхнення Вам, Валерый!
Юрий Боровицкий 30.11.2018 10:48 • Заявить о нарушении
Юрий Боровицкий 30.11.2018 10:48 • Заявить о нарушении
Дзякую, Юры. Сёння верш крышачку шліфануў, падправіў бачныя хібы, цяпер ёсць вынік працы.
Валерий Познякевич 30.11.2018 10:54 Заявить о нарушении
Валерий Познякевич 30.11.2018 10:54 Заявить о нарушении
Дзякую, Юры. Рады завочнаму знаёмству. Мы расчышчаем вершамі тую багну, якая імкнецца зацягнуць да сябе ўсё чалавецтва.
Валерий Познякевич 30.11.2018 11:15 Заявить о нарушении
Валерий Познякевич 30.11.2018 11:15 Заявить о нарушении