Язух уьмуьр, къадир тахьай, насигьат квел нукьсан хьана?
Лавгъадиз, гьич фикир тахьай, лагълагърикай дарман хьана.
Фикир-фагьум кьуна ажуз, гьижрандикай дад хкудиз,
Багьа кьаз усални ягьсуз, заз ви ери дакlан хьана.
Мугьманди кlвач вегьей пару, баркаван тlвар агъуз тийир,
Жуванбуруз вафалу хва, лап рикlивай масан хьана.
Амалдаррин хурук хьайи, бендединни язух я гьал,
Гьайиф уьмуьр, гьайиф я тlвар, бармакни кваз аскlан хьана.
Ажузбуруз ийиз зурар, итимвилин агъузна тlвар,
Фикирзава - им я гьунар, чакъалдикай аслан хьана.
Хъсанвал чир тахьай гачал, вичизни вич жеда усал,
Жуван зегьер жуваз гьалал, вучда имай инсан хьана.
Цавуз вигьиз куьгьне нагъвар, чир хьайила бендедин гьал,
Квахьна гьая акъудиз къал, лал зуьрнедин заз ван хьана.
Лал зуьрнедин ван хьана
© Copyright: Магомед Мирзоев Мирзой, 2018
Свидетельство о публикации №118112809668
Свидетельство о публикации №118112809668
Рецензии