Добры дзень, маё Палессе!
Добры дзень, вам, берагі
Незабыўнай сэрцам песьні,
Што ратуе ад тугі.
На лугах -- стагі, бы вежы,
Чайкі кружаць ля вады...
Край, якому я належу,
Сыпле ў восень жалуды.
Дбае ён аб лёсе спеўным,
Журавінах на імху.
Ён заўсёды людзям верны,
Ён забраў ад іх тугу.
Надзяліў народ пяшчотай,
Даў настрой і даў спакой.
Ён нясе надзею ўпотай
І махае ўсім рукой.
Шмат вякоў народ палескі
Улюбёны ў родны кут.
Сее там вясна пралескі,
Што любоў у сэрцы ткуць.
***
© Copyright: Валерий Познякевич, 2018
Свидетельство о публикации №118112109462
Свидетельство о публикации №118112109462
Рецензии