***
Дожджык сеецца асенні –
Лістападаўскі, рахманы.
“Пець раздолле”, як Ясенін,
Пець пра дожджык і туманы.
Пець адну і тую ж песню,
Пець па-свойску, толькі шчыра.
Пець зімой і напрадвесні,
Не шукаць сабе куміра.
Не баяцца, што памерці
Прыйдзецца, як валацуга.
Жыць і пець да самай смерці,
Да збавіцельнага круга.
Дожджык сеецца асенні –
Таямнічы і пяшчотны,
Як ратунак, як збавенне
Ад журботнасці гаротнай.
14. 11. 2018 г., Радашковічы
Дожджык сеецца асеннi...
© Copyright: Юрий Боровицкий, 2018
Свидетельство о публикации №118111404253
Свидетельство о публикации №118111404253
Рецензии