Шагьвардивди хур ац1уриз, дамах гваз
Акъвазнава, къизилд пешер къугъуриз,
Ви буй кьакьан хиялривди къужахд кьаз,
Алахънай зун, зулун суьрет чlугуриз.
Рапlрапlзавай, ухшар авай гъетериз,
Пешер физва хилерилай къавахдин.
Ви буй-бухах, элкъуьр ийиз бендериз,
Рик1е ава, михьи яд хьиз булахдин.
Ашукьзава зун и гуьзел вахтуни
Къизилдин гам акайнавай чуьллерал,
Гайитlани агъур кьисмет бахтуни,
Мержан хьтин, ашкъи авай вилерал.
Ашукь я зун алай гьалал вахтунал,
Са фикирди тазва зи рикl, дидар яз;
Телли гуьзел, эцигначир тахтунал,
Атай ч1авуз Лейлидикай хабар гваз?
Зун Теллидиз мани лугьуз ацукьда,
Такурай заз гуьзел суьрет перишан.
Къизилрин юкьвани кефсуз амукьда;
Герек туш заз чарадан сал гуьлуьшан.
Герек туш заз чарадан сал
© Copyright: Магомед Мирзоев Мирзой, 2018
Свидетельство о публикации №118110609451
Свидетельство о публикации №118110609451
Рецензии