Бала сыс парнэ, муй сыс парно.
Тэ хачькирэл о кхам лэн камэлас.
Э даёри на мэкэлас, тут гаравэлас:
На дар, ангелоро.
Э дай сыс сари харкуны, кирло рупуво.
Багалас гиля калэ,
чя гладинэнас васта ковлэ:
На лэла о кхам нисаво.
Ада на сыс дай. Чятэ нанэ даен.
Лакэ пхэндэ чячипэ.
Парны, сыр лаче раклорья, кокоро парныпэн.
Сов
тэ на ров
Сунэ, замакхэн
кало кхэр
чятыр, чёрды... Ёй совэл,
тэ дро сунэ ёй дыкхэл
сыр кхэлэл
кало кхэлыбэн.
Парны калы
© Copyright: Лилит Мазикина, 2018
Свидетельство о публикации №118110407589
Свидетельство о публикации №118110407589
Рецензии