Дуьшуьш хьана гьуьлелай, вун акунай,
Нур авахьиз яр пlузарда акьунай,
Шуршурзавай лепедвай за жузунай:
«Им вуж я, ин гуьзел тир инсан ширин?»
Назик шагьвар киферив ви къугъвазвай,
Заз а шагьвар зи туп1ар хьиз аквазвай,
Рикlин гьисер ашкъидивди ргазвай,
Белки ят1а вун зи эрзиман ширин!
Къугъваз авай лепедив руш, хиял хьиз,
Хура твазвай за вун багьа гьайкал хьиз,
Са к1ус кьванни фикир цей на зи гьалдиз,
Къе вун хьанва заз багьа инсан, ширин.
Гуьзел, на рикl айиб мийир - ажуз я.
Лугьумир им гьаясуз я, ягьсуз я
Такур ч1авуз ви къамат зун кефсуз я,
Батlул яни вал ашукь инсан, ширин?
ширин
© Copyright: Магомед Мирзоев Мирзой, 2018
Свидетельство о публикации №118110209471
Свидетельство о публикации №118110209471
Рецензии