Пераадольванне так многа значыць,
Трэба на дробязі проста забыцца,
Каб перавагаю мэту адзначыць,
Мужнасць патрэбна, каб з шляху не збіцца.
І пераконанасць будзе не лішняй,
Важнай умовай маёй перамогі.
Трэба пакінуць утульны зацішак,
Будзе чакаць мяне цяжкасць дарогі.
Толькі зацятасць, набытак натхнення,
Змогуць дасціпна ў нечым парадзіць.
Своечасова знайсці пашырэнне,
Каб мой светапогляд добра наладзіць.
Самасвядомасць – вялікая сіла,
Будзе заўсёды наперад імкнуцца.
Колькі па свеце мяне б не насіла,
Здолею я да вытокаў вярнуцца.
Самасвядомасцю я ганаруся –
Можа не надта яна дасканала?
Самасвядомасць маёй Беларусі
Адлюстравана навечна ў аналах.
Самасвядомасць
© Copyright: Татьяна Цыркунова, 2018
Свидетельство о публикации №118102904225
Свидетельство о публикации №118102904225
Рецензии