Илгьамдин,куь,булахдал ша,
Азиз дустар хъуьрез-хъуьрез.
Милаимдиз,кlвалахдал ша,
Фейи рекьер гьайиф текъвез.
Булахни чаз чешме хьанва,
Дустар вири кlватl хьун патал.
Ярди къе заз бешме гъанва,
Рикlин къене вич хуьн патал.
Уьмуьрдикай кlелиз шиир,
Экъечlда мад чун майдандиз.
Шиирдикай къачуз хийир,
Экуь йикъар хьуй инсандиз.
Хкведа чи рикlел бирдан,
Санал фейи йикъар-йисар.
Югъ акъатна жеда рагъдан.
Бахтлубур хьуй жезмай яшар!
Булахдал ша!
© Copyright: Марьям Алискерова, 2018
Свидетельство о публикации №118102409277
Свидетельство о публикации №118102409277
Рецензии