Хтанва мад зул шегьердин паркуниз:
Адет я ман, килигайла вахтуниз;
Амма татуй зул садрани бахтуниз,
Аватрай бахт гур гатфарин тахтуниз.
Мад марфадин пердедава зи цавар…
Дарихвилин рехи дагъ я ви ч1алар…
Гьик1 агъур я чандиз атай зул, къаяр,
Эгер ама рик1е гилани гатфар!
Хъипи пешер инал-анал гуз лувар…
Язух жечни кьец1ил жезвай тик тарар!
Чун лагьайт1а, рекье твазвай и чарар,
Чепелукьриз, гад квахьнавай, я ухшар.
22.10.18
Эгер ама рик1е гилани гатфар...
© Copyright: Гасанова Гюзеля, 2018
Свидетельство о публикации №118102203753
Свидетельство о публикации №118102203753
Рецензии