Сувабар

Ч/уру крар хьанва завай , гунагьарни бул.
Чара амач за аллагьдиз , к/ват/на гуда пул.
Чида заз регьят рекьерни , пул къведай гъилиз
Гьар кткайдан ахьтин фикир къведай туш кьилиз.

Къанунриз акси экъеч/из , к/ват/нат/ани пул
Гила зун гьуьрметлу кас я , девлет авай бул.
 Фида ахпа миск/индиз зу дуьшуьш жез садал
Аллагьдиз це а пул лугьуз сувабар патал.

Хвеши хьайи фекьи тадиз килигда цавуз
Лугьуда , ша мукьвал мукьвал садакьаяр гуз.
Адетар я жедач кьван зун и кардал аси
Аллагьди гъил къачуз хьайт/а , гунагьрилай зи.

Акъатнач халкь зи кьил инай де  им дуьз ян лагь?
Гайи кас, за пулар к/ват/ай яни зи аллагь?
Пуларалди кьезилариз гунагьар ч/уру
Аллагьдиз куь пулар квез я, я пул гвай халу?

пролог:

Адет хьанва: гьарда вичел
Т/вар эцигиз хан ийидай
Ариф я лугьуз вуч чилел
Халкь к/ват/из майдан ийидай.

Вичин мал дугуриз ише
Къурху гуз, вуч тваз кьаз вине.
Тежедай крар кьаз хиве.
Иблисрин заман ийидай.

Заз хийир хьуй, ат/ут/ ви гъил
Тахьайт/а за акъудда вил
Зун агъа я, зид я и чил
Лугьуз суд-дуван ийидай.