Ацукьун чин -чинал туна вил виле,
Зун патал -са дуьня и залум чилел!
Вучиз тух жезвачтIа чун сад садавай,
Яраб кас аватIа ихьтин пай авай?
Вучиз багьа я заз легьзедин къимет,
Вири гуз гьазур я вун патал гьелбет!
Пелел алатIани туькьул тир кьисмет,
Вучиз ягъазва за канивилиз мет?
Ван хьана, лугьузва, вужар я ибур,
Адетар хуьн тийиз квахьнавай абур?
Цифери руьгьера чIурнава гьава-,
Гьиссер вилик гала акьул квахьнава
Амма чиди туш хьи ади канивал,
Къанунар ажуз я ,ажуз чун патал!
Текдик эхиз жедач чавай и парар,
ЧукIурда за вири стереотипар!
Ашкъи кьатIудач хьи гьар садан кьили,
Гьазур я лугьурай лап чазни дили!
ТIвар гурай заз Межнун,вун хьухь зи Лейли,
Секиниз алахъмир - гумир теселли!
Б.А. 08.10.2018
Гумир теселли
© Copyright: Билал Адилов, 2018
Свидетельство о публикации №118101307654
Свидетельство о публикации №118101307654
Рецензии