***
Радзіме
Мне не пакінуць мілы край,
Дзе маці з бацькам спачываюць.
Тут выракай не выракай,
Яны мяне не адпускаюць.
Мне не пакінуць родны край,
Хоць бачу ўсе яго заганы.
Душы не скажаш “выбірай”,
Калі ў адзіны закаханы.
Мне не пакінуць шчодры край,
Атулены пяшчотай сосен,
Дзе я смакую каравай
Жытнёвы, што прыносіць восень.
Мне не пакінуць край бацькоў,
І журавоў вясенні вырай,
І памяць – колішніх вякоў,
І горыч – маёй песні шчырай.
05. 10. 2018 г., Радашковічы
Мне не пакiнуць мiлы край...
© Copyright: Юрий Боровицкий, 2018
Свидетельство о публикации №118100503895
Свидетельство о публикации №118100503895
Рецензии