Цуз са бади, гьуьрмет сагърай,
Ширин мез са дарман я!
Валлагь-биллагь килфет сагърай,
Регьимвални хъсан я!
И уьмуьрни са затl я хьи:
Чир хьайидаз гьалал я.
Чир тахьайда барбатlда хьи,
Вични хьана завал яз.
Нефсин гъиляй гьажиз хьайи,
Пуч хьайибур пара я.
Зегьметарни ктlиз фейи
Факъирар бейчара я.
Акьулдиз кьий фикир авай:
Дугъривилин кьадар я!
Девлет я рикl, хийир авай:
Эркеквилин гьунар я.
Гуьгьуьлдикай хабар жедай
Суфрани са къизил я.
Гьар затlунин кьадар чидай
Инсандални пехил я.
Цуз са бади гьуьрмет сагърай
Дугъривални мурад я.
Ачух,ширин суьгьбет сагърай
Куьн акунал, зун шад я!
Ширин мез са дарман я
© Copyright: Магомед Мирзоев Мирзой, 2018
Свидетельство о публикации №118100206436
Свидетельство о публикации №118100206436
Рецензии