Беражыце матуль ад тугі
І ад гора, ад слёз беражыце.
Яны вас усё жыццё бераглі-
Вы ім тым жа цяпер адкажыце.
Беражыце матуль ад хвароб,
Ад бяды нечаканай няпрошанай.
Каб не сорамна потым было
Над магілкай стаяць запарошанай.
Беражыце матуляў ад крыўд
І ад болю вы іх беражыце,
Ад заўчаснай густой сівізны
І ад старасці абараніце.
Беражыце матуляў сваіх,
Як святыню, як неба і сонца.
Хай матулі яшчэ пры жыцці
Адчуваюць хто іх абаронцы!
Берегите матерей
© Copyright: Валентна Лиштван-Наумец, 2018
Свидетельство о публикации №118092505758
Свидетельство о публикации №118092505758
Рецензии