Эхь дидеяр жеда ширин ,
Такурла рикl жеда серин,
Лезги кlвалин я чеб абур,
Хаз тахьурай дидед хатур.
Чубарук хьиз жеда диде
Хуьз шарагар авай хиве.
Бала патал къведач гьайиф
Ял тийижиз я югъ, я йиф.
Начагъ хьана бицlек нагагь
Ахвар къведач адаз валлагь.
Тахьун патал хзандиз гишин
Чан гуда дидеди вичин.
Галат тежер я кьуьд, я гад,
Диде, вун я авайди сад.
Велед патал гъвечlи-чlехи
Женнет я вун чилел гайи.
Марф къалурдач ви вилериз,
Икрамда къекъвей рекьериз,
Ягь, намусдин вун я чешме
Къачуда за валай чешне.
Чан аламаз ая хатур
Дидедиз квел зегьмет къачур.
Тахьайтlа къужахда тек къван
Кьада кьилихъ галай суран.
август 2018
Фото с Интернета
Чан аламаз хатур ая дидедиз...
© Copyright: Гасанова Гюзеля, 2018
Свидетельство о публикации №118092302317
Свидетельство о публикации №118092302317
Рецензии