Рекьимир зи умуд
Къалура ,чир хьурай заз михьи гьиссер,
Сад я лугьузвай чи рикIерин ягъун,
Бес гьинва гаф гайи ашкъидин эсер?
Вун тушни зун патал суьгьуьрдин алем!
КичIезва заз вакай- лугьумир вуна…
Кхьида за мадни,галатдач къелем,-
Уьмуьрдин гъавурда гила акьуна!
Лув ханвай лекь я зун дагъларин ценел,
Рагари чуькуьзва, тIамбура хьана,
Минет хьуй, дерт гъимир дердерин винел,
Чаравал къвезва жал хабар тагана?
Лугьумир садрани , жедач чун санал,
Зун патал савкьат я гьижранди кунни…
Рекьимир зи умуд, гьикI хьурай зи гьал-
Адан гуьгъуьнаваз рекьида зунни…
Свидетельство о публикации №118091805312