Нянихъ мад авай зун чи паркина,
Милиз рапрапзавай гъетери цава ,
Гатун ванерикай затI амач ина -
Секинвал авай са, секин тир гьава.
Амма кьуд патахъай заз хъуьрена зул,-
Кьуранвай чIурарни, шуьткьенвай цуьквер…
Вири рикIел хквез акатзавай фул,
Я накь хьиз кIвачерик галамачир звер.
Хилер кьецил хьанвай тарар тир пелеш,
Къекъвена перишан, стIал квахьзавай…
Аватна зи хъуьхъвел, алкIана са пеш
ГьикI темен гана заз вавай гуз тахьай…
14.09.2018
Зул хъуьрена заз...
© Copyright: Билал Адилов, 2018
Свидетельство о публикации №118091503967
Свидетельство о публикации №118091503967
Рецензии