***
Люблю блукаць між цяглых сосен,
Між залацістых іх ствалоў
У вераснёвы час, як восень
Блукае ў зацені лясоў.
Люблю глядзець на выцінанкі
З паперы жоўтае бяроз,
Што так танцуюць, як цыганкі,
І працінаюць аж да слёз.
Люблю пагладзіць аксамітку –
Кару асінкі маладой
І пражы тоненькую нітку
Зняць з дзікай яблынькі лясной.
08. 09. 2018 г.
Люблю блукаць мiж цяглых сосен...
© Copyright: Юрий Боровицкий, 2018
Свидетельство о публикации №118090800323
Свидетельство о публикации №118090800323
Рецензии