Сийрда седкъа мустафа ганижев

......СИЙРДА СЕДКЪА      Мустафа Ганижев

Сай мара боаца сийрда седкъа,
Тешалде со ваьха ваьлар.
Дуне диа, муш хадаш бидкъа,
Г1аьнахьа ала сох баьлар.

Валарца со-м д1авайра шортта,
Сохдар соца д1акъайладоалаш мо.
Б1аргаш довра, со г1атта г1орта,
Далла г1улакхде кийчалуш со.

Цига дайра валача сох хургдар,
Дала сох баьча цхьа къахетамах.
Сийрда седкъо сога мукъарло йир,
Со ваьккха хулаш къеча вахарах.

Даьла къахетамах кха а баьккхар,
Ялсмале сона гург хилара.
Ц1аьхха са тохаданна г1а баьккхар,
Денал ураоттадеш догдара.

Веннавар со, сох баьлар ала,
Са шиъ б1арг байна со ца1 вусаш.
Сино хьожбар мухь дег1а хала –
Ц1ий доталуш е пхаьнаш лелхаш.

Даьла къахетамах ваха кхийра,
Шедар меттадоаг1аш эттача барта.
Эздело, яй кхехкабеш хул пхьера,
Виза хьаьша а вужавеш шортта.

Ираза, со сиглен к1ал висар,
Ванаг1а, фу деза аз т1аккха?
Дала со макьршавеш сона байтар,
Сай мара боаца, из сийрда седкъа.