Вахтар алатна

 Яхц1ур салай ахкунай заз к/ениди
Лагьанай за адаз, рик/е хвейиди.
Хушвилелди башламишнай рахун чи,
Ганайт/ани рик/из таъсир , акун чи.

Шад хьанай чун, чун  сад- садаз ахкунал
Жегьилвилин вахтар рик/ел хкунал;
- Квар къуьневаз вилик атай , акьунар
-Фикирдама ви къад йисан акунар.
-Уьмуьр я зи  ялгъузвални тахсирар.
-Ваз килигиз кьилиз къвезва фикирар.
-Зи кьисметди , анжах са зун гатана.
-Хъсан хьана , чун чаз кьисмет тахьана.
Заз аквазва ви хушбахтлу уьмуьр къе,
Чи к/енивални гьак/ хуьзва на рик/е.
Санал хьанайт/а , белки ам кьац/удай
Закай бейкеф жез, агъудив ац/удай.

Сабур гуз жедайди тушир къилих зи
За кьат/ана , яш хьайила синих зи.
Чара хьанва , хзан туда вижевай,
Жува-жуван кьил агъузна, виневай.
Тахсир крар авур кинай сад я зун.
Вуна уьмуьр туьк/уьрна ваз, шад я зун.
Чка кьуна маса касди, чин кьисметдин арада.
Завай тахьай экуь бахтар, гана ваз са чарада.
Эхь , тек я зун , рекьидалди гьак/ саддиз зун амукьрай!
Чи к/енивал  малаик хьиз , вин къуьнерал ацукьрай!

Зи к/ениди бахтлу я зун
Вун ала и чилерал!
Зи терсвиляй, ялгъузвилер
Къачурд я за гъилерал!