1аламо басарш ца кхоийна,
Даймохк, хьан хазалла къагийна,
Дегнашка ирсан хьал кховдийна.
Сан дуьне-дахар ахь тадина.
Хьан дикчу адамех дог дуьзна,
Ийманан нур къеги хьан хьаьттахь.
Хьоь болчу безамо б1аьрг буьзна.
Нохчийчоь хазлуш ю кху лаьттахь.
Тхан кхоллам нуьре беш, Сийлахьчо
Хьо йелла совг1атна, Нохчийчоь.
Хьан ни1мат дебийла дуьненчохь.
Дайн мохк сан, декъала хуьлда хьо.
Саде1ар хьан ц1арца ду-кха тхан.
Тхан ирсан дог1а ду хьан кхерчахь.
Дахарна йовхо луш даима,
Нохчийчоь, парг1ат хьо йахалахь!
Азман Джабраилова
2012 шо
Нохчийчоь, парг1ат хьо йахалахь!
© Copyright: Аза Атагинская, 2018
Свидетельство о публикации №118081704992
Свидетельство о публикации №118081704992
Рецензии