(гIалгIай толамеча йоазанхочоа
Коазой Iийсайна хетаю)
Аз сийду хьа, мехка Къонах,
Сийленца хьо хиларах,
ТIаккха а сийду аз хьа, Къонах,
Мехка воI хьо хиларах –
Даьхе езаш, къамо лоархIаш,
Визза кIант хьо хиларах,
Ваха-вала кийча волаш
Къам бахьан хьо хиларах.
Аз сийду хьа, мехка Къонах,
Денале хьо хиларах,
Даггар безаш хьай къаман нах,
Царна мутахь хиларах,
Къонах яха деша маIан
Лакха лоаттош хиларах,
Цох шеквала цхьаккха бахьан
Ца дуташ а хиларах.
Аз сийду хьа, мехка Къонах,
Хьаькъале хьо хиларах,
Хьа кхолламах башаш вай нах,
Толаме из хиларах,
Халкъа кхоане дагайолаш
ХIара ди хьа хиларах,
Вай тIехьенна масал долаш
Вахара никъ хьа хиларах…
Аз сийду хьа, мехка Къонах!
Сийле лакха хийла хьа!
I2-гIа ди, мангала бутт (август),
20I3-гIа шу.
Мехка къонах
© Copyright: Аслан Куазо Ингушетия, 2018
Свидетельство о публикации №118081502774
Свидетельство о публикации №118081502774
Рецензии