***
Беларускія мамы, беларускія мамы,
Як падобныя вы на матулю маю:
Тыя ў вас мазалі, нават голас той самы,
Бо аднолькава любіце нашу зямлю.
Беларускія мамы, беларускія мамы,
Да любой прытулюся, успомню сваю:
Тое ж сонца ў вачах, нават позірк той самы,
Таму кожную з вас я матуляй заву.
Беларускія мамы, беларускія мамы,
Хіба хто з вас не плакаў па дочках, сынах?
Хай жа звоняць званы, хай адчыняцца храмы,
Хай вас мілуе Бог і мінае вас страх!
Беларускія мамы, беларускія мамы,
Як падобныя вы на матулю маю:
Тыя ў вас мазалі, нават голас той самы,
Бо аднолькава любіце нашу зямлю…
07. 08. 2018 г.
Беларускiя мамы, беларускiя мамы...
© Copyright: Юрий Боровицкий, 2018
Свидетельство о публикации №118080705875
Свидетельство о публикации №118080705875
Рецензии