***
Люблю той пах, як бульбачку капаюць:
Пах прэлага бульбоўніку, квасолі,
Пах бульбы, што з зямелькі выграбаюць,
Пах нашай цяжкай і шчаслівай долі.
Люблю, як пахне на мяжы сланечнік,
І гарбузы зжаўцелыя ў разоры,
І бульбянога верасня паплечнік –
Імклівы вецер, што зрывае зоры.
Люблю той пах, як бульбачку капаюць:
Зямелькі пах, вячэрняга тумана,
Пах той травы, дзе росы спачываюць,
І той, дзе босы бег – уранку... рана…
28. 07. 2018 г.
Люблю той пах, як бульбачку капаюць...
© Copyright: Юрий Боровицкий, 2018
Свидетельство о публикации №118072808721
Свидетельство о публикации №118072808721
Рецензии