***
Наплывае на ліпень жнівень.
Успаміны плывуць ракой,
Калі поўня вісіць над нівай,
Што дастанеш яе рукой.
Калі поўня вісіць над нівай,
Не даюць успаміны спаць.
Дзякуй, поўня, і дзякуй, жнівень!
Уначы буду маму зваць:
“Раскажы пра далёкі жнівень…
Паўстагоддзя прайшло, як міг.
Помніш поўню над нашай нівай
І мой першы нясмелы крык?”
Дзякуй, поўня, і дзякуй, жнівень!
Спіць матуля, пясок, грудок…
І ляціць, і ляціць над нівай
Успамінаў маіх глыток.
26. 07. 2018 г.
Наплывае на лiпень жнiвень...
© Copyright: Юрий Боровицкий, 2018
Свидетельство о публикации №118072603732
Свидетельство о публикации №118072603732
Рецензии