Юх

Юхълад хьедбыр гьыхьыр наъгъа:
Шугъа, Выса, къу1нды сыва.
Духлад ч1икбыр сейтер гъийгъа,
Юх хъипхьур а хьийды джубра.

Къавах дидты гъуп1къар гъваба,
Юх вахыр а хьэ1йид йигъа.
Ивыр гьы1йды гьвашер ч1ира,
Ч1ир ч1ик гьаар, лейер гъуна.

Ун нинды а изды убра:
"Мыс хъагьат1ас югьал, Аллаъ?
Нвакь гъвашер а- липхьвас бара,
Тэ1вды халды хылад рава..."

Киларгъвар а рышбэ1ш гада:
Гьыхан гъипхьур дангыз наъгъа!"
Дживаб хъывыр гьана джубра:
"Жий хъаваас матты быга!"

"Юх, вас вишна ишды гуна-
Матты аджиш жехда джига,
Шудаъ йыха1д духлад ракъна? -
Дживаб вияъ гъуй зас гъийгъа.

Дживаб ХЪывыс хьийре быга:
"Матты аджиш захда чара,
Захда аджиш матты джига...
Зас вуруув ушды гуна."

Рагъзи чиршир, мада быга,
Зый хуткасы хийда сифта:
"Гьис гьвашур гъуй ивыр наъгъа?-
Гъавурхъар а Хьуъды Ма1ла."

Дживаб хъывыс хьийре къуля:
"Зас вуруув ушды гуна,
Захда гъийгъас илсан быга,
Къут леййегед халыс къаня."

Липхьур ва1да. Гьавъыр а гъа1,
Ц1инды, духлад - ч1ит1к1ыд къарха.
Юх виинав мада джибра-
Гъавурхъар а Араъ Ма1ла.

Липхьур ва1да. Гьаар дугьа
Къыхь гьишир а к1аъды гада.
Дават анав хьэйдид йигъа-
Ц1инды халды дуьзды хыла.

Кывыхь сурна, Ма1мыд-баба, -
Жехда аджиш матты джига.
Гьыха1ъ ракъна, Невриз-баба, -
Гьаммиш мис гьии ишды мухъа!