Дробны дожджык імжыць, як праз сіта,
грыбнікам абяцае ён казачны рай,
ліпень, ў полі паспела ўжо жыта -
ды не радуе сёлетні нас ураджай.
Не хапіла жытнёвым пасевам вадзіцы -
вельмі бедны дажджамі быў чэрвень і май,
і блукалі далёка ад нас навальніцы,
лета ўдосталь аблашчыла сонейкам край.
Можа гэта ў Зямлі памянялась арбіта,
пераблыталісь поўнач і поўдзень прынамсі?
Бо чаму тады дожджык ідзе менавіта,
калі вочы нацешыць пейзаж афрыканскі?!
Дожджык
© Copyright: Валентина Ментуз, 2018
Свидетельство о публикации №118071705334
Свидетельство о публикации №118071705334
Рецензии